file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  18.07.2021
  291


Автор: Төретайұлы Қабылбек

Өрісті өлең


КҮЛЛІ әлемге танытқан,
Ұран болып шаңытқан,
Сәулесі өткір жарықтан,
Дәмі тәтті қаныттан,
Тамыр тартқан алыптан,
Қазақ деген халықтан
Қайран өлең!

Жалғыздықта бір болған,
Абыз болған, пір болған,
Сауласа бір нұр қалған,
Асқақтаса дүр болған,
Алмастай мың қыр жонған,
Ғашықтарға сыр болған
Арман өлең!

Бастау алып шабыттан,
0й көгенін ағытқан,
Қайтпай алған бағыттан,
Екінші өмір сағынтқан,
Таланттыны танытқан,
Талайсызды сабылтқан,
Қалың жұртты табынтқан
Шіркін әлең!

Қаршадай бір жасыңнан,
Ажырамай қасыңнан,
Раушандай ашылған,
Нұр маржандаи шашылған,
Аумай текті лашыннан,
Безсе ұшар басыңнан
Бір КҮНІ өлең!

Көз тоқтатқан көркемге,
Шоқ тастаған өртеңге,
Еміренткен ертеңге,
Жел кернеткен желкенге,
Еңсе тіктер ер кеуде,
Елжірейтін шер кеуде
Гөзел әлең!

Сыңғыры әсем шолпыдан,
Өмір болып толқыған,
Жол тосса да мол тұман,
Тор қосса да зор КҮМӘН,
Айнымайтын антынан
Айырылмайтын салтынан
Өзен-өлең!
Беу, қайран өлең!
Арман-өлең!
Гөзел-өлең!
Өзен-өлең!






Пікір жазу