file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  18.07.2021
  175


Автор: Төретайұлы Қабылбек

Көкбөрі

Жаныңа жігер жай тастар,
Өмірде қанша айқас бар.
Айбарлы атам Алпамыс
Атанды жұртың «алқаштар».

Несібесіз бейбақтар,
Ар алдында тайғақтар.
Ерсайынның ұрпағы
Санасыздау «сайғақтар».

Тоздырып табан тіркеме,
Самайы толып сіркеге.
Қайран көгенкөздерің,
Жарымай жүр күркеге.

Шегір көз билеп төрімді,
Таспа етіп тілді терімді,
Тіл мен дінді қосақтап,
Қазуға таяу көрімді.

Жебір ой жайлап жерімді,
Өзімнен иттеи жерінді.
Көкбөрінің зәузаты-ау,
Сіздерге не көрінді?!

Көкбөрі қақпан темірді,
Азумен шайнап, көмірді.
Бұралып жеткен жирен мұрт,
Жал-жаяға семірді.

Қаңыратып көңілді,
Боздағым қанға бөгілді.
... Ит болудан көкбөрі,
Артық көргөн өлімді.





Пікір жазу