Құттықтаулар, тілектер жинағы ✍️

Құрметті шейх Әбсаттар қажы!
Сізді барша мұсылман қауымның ең ұлық мерекесі Құрбан айтпен шын жүректен құттықтаймын!
Барша мұсылман баласы үшін Жаратушымыз белгілеп берген екі мейрамның ұлығы – Құрбан айт мерекесі еліміздің бірлігін күшейтіп, бауырластықты арттыра түседі. Ұлттық мәдениетіміз бен салт-санамыздың өзегіне айналған, ата-бабамыздан келе жатқан дініміз тәуелсіз еліміздің бұдан ары қарайғы да рухани-мәдени жаңғыруының негізі бола береді деп сенемін.
Бүгін қасиетті мереке қарсаңында ұлық дініміз Исламды дамыту мен өркендету жолындағы қажырлы еңбегіңізге табыс тілеймін. Барлық ізгі тілек-ниеттеріңізді Алла тағала қабыл етсін!
Құрметпен,
Ғалымқайыр МҰТАНОВ,
әл-Фараби атындағы ҚазҰУ ректоры, академик