Ақын өлеңдері жинағы ✍️

Төрткүлім, қайран Төрткүлім,
Өтті ғой сенде жас шағым.
Содан ба қағып көп күліп,
Шақырар ашық аспаның.

Ауаны жұтып, сайрандап,
Қойныңда шалқақ жатқанмын.
Жегемін талай жайраңдап,
Әжемнің қауын-қақтарын.

Өзіңде тұңғыш өлеңім,
Жүректі жарып ұшқан-ды.
Жарығым, сәулем дегенім
Бұралып тұңғыш құшқан-ды.

Көңілі көктем ұлыңның,
Жадымда мәңгі қаларсың.
Тулаған ерке жырымның
Төрінен орын аларсың.