Әңгімелер жинағы ✍️

Бірде сөз қағыстырып отырып Балдай қыз Абылға сұрақ қояды:

Екі қарадан сұр туады,

Екі сарыдан сұм туады,

Бір ақ, бір қарадан нұр туады,

Екі ақтан кім туады? 

Сонда Абыл ойланбастан:

Екі ақтан шамдай туады,

Суырылған таңдай туады.

Көзді ұялтып, жанды мүжіп,

Ай жүзді Балдай туады, - дегенде, Балдай сұлу үнсіз күле беріпті. Шынында да, Балдайдың әке-шешесі аққұба, ажарлы адамдар екен.