Ақын өлеңдері жинағы ✍️

Мейірім төгіп нұр саулап,
Күн сәулесі тарала.
Босап қысқы құрсаудан,
Жатыр балқып Жер – Ана.
Сұлу мүсін бейнені,
Ынтықтырған, іздеткен.
Жел желпіген көйлегін,
Күлімдейді қыз көктем.
Бозторғайлар ән салып,
Бүр жарыпты бауымыз.
Күткен аңсап қаншалық,
Келді міне, Наурыз.
Құтты болсын халайық,
Ұлы күні ұлыстың.
Қане қарсы алайық,
Басы болсын нұр істің.