Ақын өлеңдері жинағы ✍️

Бақыт деген бір биікке ұмтыламын құмартып,
/Ол биігің тұр әзірге тым алыстан мұнартып/.
Шығам соған, шығам соған, отырмаймын телміріп,
Демен әсте: «Бақытым-ау, өзің үйге кел кіріп».
Толқын болып ұстатпайтын дауыл соққан жапырып,
Тұрсын бақыт арманым боп алыстарға шақырып.
Таппай қойман дүниеден
Айтшы: қайда мекенің?
Сенсіз өмір қажеті не,
Мен сені іздеп кетемін,
Мен сені іздеп кетемін.