15.06.2021
200
![](/uploads/shorttexts/author_image/b4ad03932feed9d2fb0ea05b8c70f414.jpg)
Алма бағында
Қылыш, қанжар тағынған
Жетті жігіт ат мініп;
Шықты алма бағынан
Жас келіншек шат күліп.
Жігіт айтад жарына:
«Мен бақытты күзеттім.
Мына алма бағыңа
Сен неше түр гүл ектің?».
Деді сонда келіншек:
«Күттім алма бақтарын,
Жар сүйсініп көрсін деп,
Жүрегімдей сақтадым».
Күн күлімдеп нұр сеуіп,
Жайнай түсті алма бақ;
Екі жүрек бір соғып,
Кетті аралап ән шырқап.