Ақын өлеңдері жинағы ✍️

Көп көріп ата жаудан қастандықты,

Қас батырлар өткен ғой асқан мықты.

Елін бастап ерлікке,

Ереуілге,

Ғасырлар аңсап келген бостандықты.

Қалдырған батырлықтың белгілерін,

Қорғаған жан аямай елді,

Жерін...

Ешқашан халқы естен шығармаған,

Дұшпанымен шайқасқан

Елдің ерін.

Өмірге салып кеткен өз өрнегін,

Жақсыны —

Жақсы екен деп сезер ме өлім?!.

Көресің тартқан азап,

Қасіреттен

Қара жер ернінің де кезергенін.

Баулиды қатал тарих —

Батырлыққа,

Ащы зардан туады жақындық та...

Елге,

Жерге,

Ұлтына қарамайды,

Намыс пен кек апарар батылдыққа.