Ақын өлеңдері жинағы ✍️

Тірлікте күнде той емес,

Той болса көңіл серпілер.

Күндердің өткен көбі елес,

Бас қосқан шақта желпінер.

Думаны қызық қауымның,

Жақсылық қосса бастарын.

Ағыңнан сонда жырылғын,

Жиналып кәрі, жас қауым.

Бас ұсын қартты ескеріп,

Күйеуді сыйлай төс беріп.

Тойламай көңіл тұшынбас,

Төріңе құда, дос келіп.

Ұл да өсер, ертең қыз да өсер,

Жалғасар жұрт пен жұрағат.

Сыйласып солай жүрмесе ел,

Келеді қайдан ұлағат ?!