Ақын өлеңдері жинағы ✍️

Алла барын ұмытпағын, жарығым,
Дос пейілін қабағынан танығын.
Ата-анасын сыйламаған -ақымақ,
Ешкімге де жасай алмас қайырым.
Ар аттама,
Иманыңды кірлетпе,
Жексұрын боп жетті атаңды тілдетпе.
Ары таза, арманы асқақ азамат,
Бөленеді қошемет пен құрметке.
“Құдай деген – құр қалмады”, ұқ – мәнін,
Ақиқаттың ақ жолынан шықпағын.
Аруақтарды шығармасаң жадыңнан,
Онда, қалқам, кісілікті ұққаның.