Ақын өлеңдері жинағы ✍️

Толған айдай кезің бұл,

Толқып аяқ басасың.

Селт еткізіп сезімнің,

Шертің нәзік нотасын.

Махабатты мазалап,

Сезім шоғы өртей ме?

О, он алты ғажап – ақ,

Ару бопсың өр кеуде.

Тұрғандайсың үздігіп,

Көздеріңді төңкеріп.

Боп қалдық па қыз-жігіт,

Қош айтысып еркелік.

Шатығыңа соқтым қол,

Он алтыға толыпсың.

Бантик таққан жоқ күндер,

Бой түзейтін болыпсың.

Он алты ерке деседі,

Көнер жігіт назыңа.

Махабаттың мекені,

Ашылмаған қазына!