Ақын өлеңдері жинағы ✍️

Таң күліп,

Жұлдыз жанып пейіліңе,

Халықтың кірдің, сірә, сеніміне.

Бұл күні салауатты жігіт көрем,

Басылған жастық шақтың желігі де.

Жеңгеміз жүр көшіңді өрге сүйреп,

Келеді тірлігіңнің керуені боп.

Жаныңда құлындарың шапқылап жүр,

Ойлағын бір құдайдың бергені деп.

Тойыңа сыйлас көңіл дос келді ме,

Қырық жасың құтты болсын,

Қош келді де.

Мерейің үстем болып,

Жүзге келгін!

Қайтесің

Тоқсандыда,

Сексенді де?!