Ақын өлеңдері жинағы ✍️

Сыйластықта өмірдің жарқындығы,

Бес саусақтай біледі әркім мұны.

Дәстүрінен достықтың қия өтпейік,

Қолда барда білінбес алтын құны.

Өздеріңнен жоқ, достар, жасырарым,

Жалқайтыңдар жанымның жапырағын.

Әрқашанда сендерге арқа сүйеп,

Бойға жігер, ойға ақыл шақырамын.

Достық атты өлкенің жеріне мен

Алшаң басып көсілем теріне кең.

Тірлігімнің тірегі – шынайы дос,

Достар үшін жырлаймын, тебіренем.

Пана тұтам, қуанып, қысылғанда

Өткізбейтін өткелден тұсың бар ма?

Мен де берем кіршіксіз жүрегімді,

Ақ ниетпен жүрегін ұсынғанға!