28.05.2021
  190

Автор: Қадыр Мырза Әли

Дүниенің тарлығы

Дүниенің тарлығы
Қорқытпайды мені шын.
Не істесем де,
Барлығы
Өзім үшін,
Ел үшін.
Атақ үшін демеймін,
Алайда одан қашпаймын.
Аузымды ашсам,
Көмейім
Көрінеді,
Ашпаймын.
Қылымсымай,
Бәлденбей
Жөн қараймын даңққа.
Тіріде — өзің,
Өлгенде —
Атың керек халыққа.
Сол баяғы салтымыз,
Нардың жүгі түспейді.
Өлген соң да
Даңқымыз
Елге қызмет істейді.


  дүние халық даңқ атақ Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Қарап көріңіз 👇

  Айналаға ақ сәуле таратқандай ᐈ
  От сезімге сен күймесең, кім күйсін ᐈ
  Келген кезде қара бұлттың шабыты ᐈ
  Үйлесім һәм ұйқас тауып қиыннан ᐈ
  Пәлсәпадан шаршай ма ми дегенің ᐈ


Пікір жазу