19.05.2021
  245

Автор: Қадыр Мырза Әли

Көңіл

Сүйетіндей жер үсті
Суретші болсам ғой.
Айтарлықтай келісті
Адам жасай алсам ғой!
Шашын,
Қасын
Күйедей
Қараменен бояр ем.
Ал ерінін шиедей
Алқызыл қып қояр ем.
Көзін, тіпті, тартынбай,
Көгілдір ғып қояр ем.
Ал тістерін алтындай
Жарқыратып бояр ем!
Күнге күйген білекті
Күреңменен бояр ем.
Ал жүректі, жүректі
Әппақ қылып қояр ем!


  көңіл суретші Қадыр Мырза Әли Қадыр Мырза Әли шығармашылығы Қадыр Мырза Әли тақпақтары

Қарап көріңіз 👇

  Не үшін? ᐈ
  Ата-тек ᐈ
  Дүрбелең ᐈ
  Тоңазытқыш ᐈ
  Ана мен баланың әңгімесі ᐈ


Пікір жазу