13.05.2021
300
Көк балауса егілер...
Көк балауса егілер,
Көгерер-ау тал, шынар.
Тал, шынардан төгілер
Моншақ-моншақ тамшылар.
Сол моншақтай мөлдіреп,
Сол тамшыдай дір қағып
Мен қараймын елжіреп,
Сен қарайсың ұрланып.
Бұлттар, бұлттар, ақ бұлттар
Жайлайды ғой тау басын.
Дауыл да бар, дақпырт бар –
Бұлттар қайтып жаумасын!
балауса тал шынар Тамшы Жұмекен Нәжімеденов Жұмекен Нәжімеденов шығармашылығы Жұмекен Нәжімеденов өлеңдері