Ақын өлеңдері жинағы ✍️

Е Ш.-ге

Жақсының жер бетінде бәрі бітпей,
Тозбайтын бір асылсың мәңгіліктей.
Жаныңның жарқылынан айналайын,
Тартатын өлең сөзді магниттей.
Сен менің мәңгі сыйлап өтерімсің,
Кең жайлау ата қоныс мекенімсің.
Аспаннан жалғыз тамшы жаңбыр күткен
Жайнаған жапандағы жеке гүлсің.
Артамын бір өзіңе әмән сенім,
Қандырар шөлдегеннің арман шөлін.
Ат-тұрман әшекейлі асыл жабдық
Жолыңды құптай берсін заман сенің!