Ақын өлеңдері жинағы ✍️

(Ән)

Алматыда жазылмаған жырым бар,
Алматыда айтылмаған сырым бар,
Мен қазақпын, маған туыс дегендер
Алматыға келіп-кетіп тұрындар.
Жан астанам, жасағандай табынам,
Әміріңе әкімдей-ақ бағынам,
Жаңа ғана шыға салып сапарға
О, ғажайып, Алматымды сағынам!
Алматыда шаңырағым, үйім бар,
Сәбиім бар, күнде шертер күйім бар,
Басқаларың баспананы табарсың,
Алматыны ақындарға қиындар.
Алматыда айтылмаған сырым бар,
Жан достарым, соны айтқызбай ұғыңдар,
Мен жігітпін, маған туыс дегендер
Алматыға келіп-кетіп тұрындар!