Ақын өлеңдері жинағы ✍️

— Неткен қайсар өзің де,
Бір өлермен баласың!
Сарша тамыз кезінде
Қайда тартып барасың?!

— Сарша тамыз кезінде
Сарымай тартып барамын?
Таң боп келем өзім де
Ыстығына даланың.

— Білмейсің бе пункттің,
Бұл арадан шалғайын?
Не шыдатады ыстық күн
Кетпей ме еріп бар майың?!

— Жүрсе бітер жол деген
Ери қоймас сарымайым.
Ерісе де кел деген
Мезгілінен қалмайын...