Ақын өлеңдері жинағы ✍️

Аңғармай өз әлімді,
Қинап босқа жанымды;
Түсе кеттім күреске
Көрінуге қарулы.
Алыстым да жығылдым,
Күресуден түңілдім.
Ақылыма қарамай,
Білерімді санамай,
Түсе кеттім айтысқа
Түпсіз терең данадай.
Айтыстым да ұтылдым,
Қашып әрең құтылдым.
Міндім - дағы намысқа,
Түсе қалдым жарысқа.
Әзір емес екенмін
Жүгіруге алысқа.
Жарыстан да қалған мен.
Жұртқа күлкі болған мен.
Мәңгі кәрі бір адам
Жоқтан бар ғып құраған;
Мәңгі сәби бір адам
Тәй, тәй басса құлаған.
Донкихоттар көп екен
Соның бірі мен екем.

1960