Ақын өлеңдері жинағы ✍️

Күркіреп үнім эфирде,
Оқыдым қыстай өлеңді.
Тыңдаушым жатты төменде,
Жырларым бұлт боп жөнелді.
– Дауысым қалай барды екен,
Қойларым жатқан құмдарға!
Қойшыда уақыт бар ма екен
Эфирден өлең тыңдауға!
Бар шығар мүмкін уақыты,
Жоқ шығар, мүмкін, кім білсін.
Беріңдер хабар қойшыға
Тыңдауға жігіт үлгірсін!
— Не керек ақын лепіріп,
Қойшыңыз қалай үлгірсін.
Тұрғанда боран өкіріп,
Жарамас, досым, көлгірсу.