Ақын өлеңдері жинағы ✍️

Ұя салған хош айтып күллі баққа,

Құстар қайтып барады жылы жаққа.

Жалбарына қиқулап медет сұрар,

Өз тілінде олар да ұлы Хаққа.

Жылуын ап аялы алақанның,

Көру-бақыт ұшқанын балапанның.

Өн сегіз мың ғаламның Иесінен,

Шақасына тілейді шапағат мың.

Табиғаттың мұз-қары, бораны бар,

Перзент едім киелі жораны ұғар.

Әр таң сайын дұға етем сендер үшін,

Туған жерге аман-сау оралындар!

Әнге бөлеп елімнің кең өлкесін,

Әкеліңдер көктемде өнер көшін.

Әсем әуен аңсаған тау-тасыма,

Сағыныштың түсірме көлеңкесін!...