Ақын өлеңдері жинағы ✍️

Жүректегі сағыныш сарқылар ма,

Шағала боп бұл күнде шарқ ұра ма.

Туған жердің төсінен тұрақ тапты,

Он бір ұл-қыз өсірген батыр ана.

Табиғаттың көз жұмып көктемінде,

Опасы жоқ өмірден өткеніңде.

Ұрпағыңа бақ тілеп жаттың ба екен,

Жан жылуын соңғы рет төккеніңде.

Әнге бөлер бұлақтай сай-саланы,

Самғар үлкен үміттің бай талабы.

Пөк махаббат сезіммен өзің еккен,

Шыбықтарың орманға айналады.

Орнамасын көңілге күдік, қайғы,

Озық өнер-білімді кім ұқпайды.

Құланым деп жүруші ең құрақ ұшып,

Еңбегіңді туған жер ұмытпайды.

Жоқтатпастан әкенің алақанын,

Қыран етіп баулыған балапанын.

Жатқан жері жаннаттың төрі болсын,

Гүлширадай ардақты дана апаның!...