Ақын өлеңдері жинағы ✍️

Жанарында жұлдызды аспан аунаған,

Көкке самғар сұңқарлардан аумаған.

Жігіттерден көкірегінде күні бар,

Аласа боп көрінеді тау маған.

Ақыл-ойы жеңістерге жол сілтер,

Жайсаң жансың жұртқа ырыс конса дер.

Жұпар жусан омырауын даланың,

Жайылым ғып төрт - түлік мал толса дер.

Үлкенге-іні, кішілерге - ағасың,

Балаусаға үміт гүлін тағасың.

Аямайтын жақсылығын ешкімнен,

Азаматсың халық берген бағасын.

Ар-намысың бойыңдағы алдаспан,

Ата-баба өнегесі жалғасқан.

Арман тауға биіктей бер, Бөрібай,

Елің үшін еңбек етіп талмастан.

Бос кетпейді игі істің сауабы,

Баталыға бақ назары ауады.

Барша жанның алғысына бөленсең,

Алланың нұр шапағаты жауады!..