Ақын өлеңдері жинағы ✍️

Домбыраны қолға алсам,
Ағылған күй мен жыр көрем;
Өміріме көз салсам,
Жайнаған жарқын нұр көрем;
Туған айға, қарасам,
Теңеліп өсіп аласам,
Жанға жайлы жанары,
Жылжып бір келген жыл көрем.
Бақытты халқым, шат елім
Жаңа жылдың келгенін
Шаттықпен қарсы ала біл,
Күмістей қардың суынан,
Суарыған қырынан,
Көктемде егін салады,
Жаңа жыл жылжып келген соң
Өндіріс те өрлесін.
Тебіндей өскен төрт түлік
Туындай түлеп төлдесін.
Жаңа жылда мың бұрап,
Домбыраның пернесін,
Жамбыл да күндей жарқырап,
Жырым бір құлаш сермесін!