30.03.2021
  238

Автор: Ғабиден Қожахмет

Түлекке

(жас шәкірттен)

Білімдері бағалы,
Парасатты ол тағы да.
Түлек ұшып барады
Болашақтың таңына.

Жеткізеді елге үнін
Соған дайын бүгіннен.
Мектебінің бергенін
Жалғай түседі біліммен.

Сәтті сапар, ағалар!
Сәтті сапар, әпкелер!
Азамат бол бағалар
Елге үлесін ап келер.

Көп өмірдің өткелі,
Маман болмақ бірінен.
Толқиды ана мектебі
Түлегінің үнінен.

Еңбектері жасындай,
Болсын елге жыр-аңыз.
Біз де ертең-ақ осындай
Түлек болып тұрамыз.

  Түлек шәкірт білім мектеп Ғабиден Қожахмет Ғабиден Қожахмет өлеңдері

Қарап көріңіз 👇

  Түлектер мектебіне оралады ᐈ
  Ұстаз тілегі ᐈ
  Шәкірт алғысы ᐈ
  Жас ұстазға тілек ᐈ
  Түлектер қанат қақты ᐈ


Пікір жазу