Ақын өлеңдері жинағы ✍️

Негізі бойда ғылымның,
Қашанда ұстаз бағалы.
Ертеңгі үлкен білімнің
Соқпағын солар салады.

Сол жолда аты ерттеулі,
Жақсы істі жүрер ұқтырып.
Шәкірттік өмір шектеулі,
Уақыт алма ұттырып.

Тәрбие жайлы алаңдар,
Адалдық жолдан арды ұққан.
Өмірде барлық адамдар
Ұстаз дейді оны сондықтан.

Ойларға қиял жүздіріп
Мектебін ойлар үнемі.
Бойында тұнған ізгілік,
Ұстаздың үлкен жүрегі.