Ақын өлеңдері жинағы ✍️

Бала деген - отбасының шырағы,
Бала деген - ата-ананың шуағы.
Бұл өмірдің ең бақытты сəттері,
Балалардың көптігінен тұрады.

Бала деген - еркетотай бұзығың,
Бала деген - таусылмайтын қызығың.
Бұл өмірде жиған барлық байлығың,
Бала кезден бағып қаққан қыз-ұлың.

Бала деген - тарқамайтын базарың,
Бала деген - тарих қылып жазарың.
Сол баланың балдай тəтті күлкісі,
Он сегіз мың ғаламдағы ғажап үн.

Бала деген - лүпілдеген жүрегің,
Бала деген - ең бірінші тілегің.
Еш пенденің жылатуға хақы жоқ,
Əлемдегі балалардың біреуін.

Таусылмайтын əңгіме көп ол жайлы,
Балаларсыз өмір қызық болмайды.
Біз оларды аялайық, қорғайық,
Ел ертеңін сол батырлар қорғайды!