Ақын өлеңдері жинағы ✍️

Жылаған Аналарға,
Ауырған балаларға.
Жақсылық жасайықшы,
Қиналған əр адамға.

Зәру жан дəріге де,
Мүгедек кəріге де.
Жақсылық жасайықшы,
Бəріне бəріне де.

Үн қосып үнімізге,
Аман-сау күнімізде.
Жақсылық жасайықшы,
Біріміз бірімізге.

Ниеті күшті адамға,
Қайғы мұң қыстағанға.
Жақсылық жасайықшы,
Қолы да қысқаларға.

Мейірім тапшы болса,
Жұбатпас шаттық онша.
Бəрі де жақсы болар,
Барлық жан жақсы болса!