Ақын өлеңдері жинағы ✍️

Күндер қайда шұғылалы,

Ұқпадым-ау сырын әлі.

Біз кездескен сол бір күндер,

Елес болды бүгін бәрі.

Жанымның бұл шырылы,

Жүрегімнің дірілі,

Өткен күндер шырыны,

Таба алмастан тұрақ боп,

Көңілімде сұрақ көп.

Жанарыңда көл тіреген,

Сенің жасың мөлдіреген.

Кетпей қойды көз алдымнан,

Жүрек қайда елжіреген?

Шынымен-ақ кеткенің бе,

Саған жаным жетпедім бе?

Тағдыр сыйы осы ма екен,

Өмірдің бұл өткелінде?