Ақын өлеңдері жинағы ✍️

Айналамда құстар үні, құс үні,
Құлағымнан,
жүрегіме жеткен бір.
Табиғат-ау,
жасыл-желек пішіні,
Мені қоршап, айналамда көктем жүр.
Дария тасып, арнасы асып күш толған,
Өзіңе-өзің қалай ғана сиясың.
Менің көктем жүрегіме
құс қонған,
Қайта оралып,
салып жатыр ұясын.
Сан алуан сәулелерге боятып,
Бұл дүние жаралғандай өлеңнен.
Күнмен бірге тіршілікті оятып,
Көктемменен бірге жырлап келем мен.