Басымдағы бағым деші
Сүйген жүрек қарамас, ештеңеге,
Ешбір мін де, білінбес шын сүйгенде.
Керек емес есептеп, сүю мүлдем,
Сүю керек сұлуды, шын жүректен.
Қайырмасы
Сұлуды сүй, беріліп жан тәніңмен,
Сүюде жоқ ар-ұят, біле білсең.
Құлай сүю, өзіңді ұсыну бар, 2- рет
Шын сезімнің сынары, елжіреген.
Сүйген жүрек қалай ма, басқа жанды,
Шын махаббат аңсайды, алдамайды.
Аруды сүй, беріліп сұлулыққа,
Ләззат оты шарпысын, тұла бойды.
Естен танып, елірткен кездерінде,
Ессіз деме махаббатты, бағыңды ашсын.
Ыстық демін алаулап, отқа ұласып, 2- рет
Жүректерде жарасып жалындасын.
Сұлуды сүй, бағала махаббатты,
Құшқаныңда аймалап, Ару тәтті.
Сүйем деші, жаным-ау, қайталашы, 2- рет
Бағым менің, баққұсым басымдағы.
Айтбек Рымбекұлы Әліпов, Астана қ.