Ақын өлеңдері жинағы ✍️

Күндеріміз   қыдырып   баққа   барған –

Аяулым-ау,  пәк сезім,  аппақ арман.

Сенің   әрбір   сөзіңді,   қылығыңды,

Мінезіңді   жүрегім   жаттап   алған.

Сенсіз жылап таңдарым атпақ па әлі,

Жылыта  алмас шілдесі,  аптаптары.

Қөз алдымда –

Ерніңе   қона   қалып,

Еріп кеткен сол қыстың аппақ қары.

Уақыт-ай,   бұлтарып,   бұлаң  қаққан,

Екеумізге  сол  ғана  құрған  қақпан!

Көз алдымда –

Шеттегі тар көшелер,

Аппақ қары табанда жылап жатқан.

Әрі жақын,  әрі  арман қашықтағы –

Өзің   болдың,

Ол бірақ жасытпады.

Сонау  бір  күн  қар  жауған

Келсе   қайтып

Екеумізге   шашуын   шашып   тағы!