Ақын өлеңдері жинағы ✍️

Мен өзіңмен ұғысқан ем.

Бұлың-бұлың бұрыштармен

Келе қойшы,

Ұрмайды ғой,

Әжең саған ұрысқанмен.

Топыр-топыр толған көше,

Қарадым мен жолға неше?!

«Жеңгем іздеп қалар?» – дейсің,

Ғашық болған ол да кеше!

Қарап-қарап самайыма,

Тарап-тарап алайын да,

Қарғам, қарсы болмасаң сен,

Мен өзім-ақ барайын ба?!

Ұзақ-ұзақ армандайсың,

Жылап-жылап алғандайсың.

«Жаным, жаным» дей бергенше,

Жаныңа енді жалғанғайсың!

Кешір бағым, есімді алдың.

Сыпырған боп есік алдын,

Сыртқа шық та,

Кешке қарай

Келші, жаным, келші, жаным!