Ақын өлеңдері жинағы ✍️

Еске алмайын десемдағы сені мен,

Өткен күнге кейде амалсыз шегінем.

Арманымыз жолығып қап көшеде,

Махаббатың кездеседі менімен.

«Кездеспеймін, кетсемдағы енді өліп», –

Деп ем,

Жаным сыбырлады сен болып.

Кескін-кейпің, әсем күлкің, жанарың,

Бар қылығың көз алдыма келді өріп.

«Кездеспеймін!

Кездеспеймін!» дедім мен,

Көз алдымнан ештеңе жоқ шегінген!

Айтқан сөзің аяғыма оралып,

Өз-өзіме тағы айрылдым сенімнен.

Сондадағы

«Кездеспеймін!» дедім мен,

Жетекке алды сезім ұстап жеңімнен.

Томпаң қағып бара жатты сен жаққа

Ақыл шіркін сол сезімнен жеңілген...