file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  10.07.2023
  97


Автор: Серікбай Оспанов

Ұзақ саған телміре қарап едім...

Ұзақ саған телміре қарап едім,


Қиналдың ба?


Қысылып  «аға» дедің.


Аққу мойның иіліп, оң жағынан


Сығалады көйлектен қара меңің.


 


Көз шіркінде, көңілде тойым бар ма?!


Жөнелді алып қияли ойымды алға.


Сұлулыққа қойылған нүкте ме еді,


Әлде алдамшы сезімге қойылған ба?!


 


Кіп-кішкене құдірет – Сен де, мең де.


Жүрегімді, кысылдым, тербегенде.


Қоштасқандай болады кейде алыстан,


Жақындасам ұқсайды кел дегенге.


 


Таңдайымда – бал дәуреи тойдың дәмі...


Думаныңа дүние-ай, тойдым ба әлі?!


Қол бұлғаған өмірдің өзі емес пе


Кіп-кішкене қара мең мойныңдағы?!





Пікір жазу