Ақын өлеңдері жинағы ✍️

Бойдағы жамандықты,

Кештеу ме?

Бүгін білдім.

Пәктікті,

Адалдықты

Ісіңмен ұғындырдың.

Сезініп өр көңілді,

Шындықтың күшін білдім.

Түсінбей келгенімді

Сен айтпай түсіндірдің.

Айқайлап, аптықпадың,

Ғайбаттап кейде мені.

Шадыман-шаттықтарым

Өзіңмен үйге енеді.

Бетіңді айна қылып,

Өтірік сүртінбейсің.

Жүзіңде – жайдарылық,

Көңілдің кілтіндейсің.

Жұмыстан еркелей кел,

Мен де бір еркелейін.

Сен мені жетелей бер,

Мен сені жетелейін!