Ақын өлеңдері жинағы ✍️

– Үнсіз-түнсіз бостан-босқа күрсінбе,
Айт сырыңды,

Ағайының білсін де!

Қалатының бар еді ғой ұрынып,

Әлденені бүлдіріп ап жүрсің бе?!

– Алмасады қуаныш пен реніш,
Шалыс бассақ, өкінеміз – біледі іш.
Кешіргейсіз, кетті менен қателік...
Өмір жолы емес түзу рельс.

– Өкінішке баттың екен сен неше?
Ең жаманы – елің саған сенбесе.
«Кешір» деген қорқынышты сөз емес,
Күнде-күнде қайталана бермесе!