Ақын өлеңдері жинағы ✍️

Сұрағы көп дүние-ай,

Жауап іздеп әуремін.

Ылаңы көп дүние-ай,

Сауап іздеп әуремін.

Азабы көп дүние-ай,

Жеңіліңді іздемен.

Ғажабы көп дүние-ай,

Жолдас емес бізбенен.

Ойлы-қырлы дүние-ай,

Ойлы-қырлы ойларым.

Қойны нұрлы дүние-ай,

Тереңіне бойладым.

Бір қиялдан бір қиял,

Мың қиялды жас шағым.

Жаныма тек нұр құяр

Құпияңды ашпадым.

Қызығы көп дүние-ай,

Қайсысына жетесің?! –

Қызылы көп дүние-ай,

Қызығумен өтесің...