Ақын өлеңдері жинағы ✍️

Күстәналап,

Жүретін ел кінәлап,

Ерге шықты Еркегүл,

Екі қабат!

Жамалына қарасаң – жаның балқыр,

Екі қабат әйелдің – көркі ғажап!

Арқын-жарқын Ару мен күйеу жігіт,

Бірін-бірі,

Бір-бірін сүйеуде Үміт,

Біреу күліп қараса іштен тынып,

Айтар сөзін қалды енді біреу бүгіп.

Абысындар айтты ма іш пысқаннан,

Толастады тобырлар пыш-пыштаған?!

Еркін басып Еркегүл кіріп-шықты,

Ақ шымылдық желбіреп тұсқа ұстаған.

Шаруасын тындырып шартараптың,

Кереметін кеп жатты арқалап күн.

...Адалдықтың бәлкім бұл құдіреті,

Құдіреті әлде бұл махабаттың?!»