Ақын өлеңдері жинағы ✍️

Еліме бұл еркелеп,

Еркін жүрсем деп едім.

Қайғы-мұңды желкелеп,

Серпіп жүрсем деп едім.

Үлкенді – аға, кішіні

Інім десем деп едім.

Күлімдетіп кісіні,

Күлімдесем деп едім.

Жатсынбай мен жандарды,

Жатсынбаса деп едім.

Өмір осы арманды

Басқа ұрмаса деп едім.

Күнге-күндер жалғанды,

Болмай қойды дегенім.

Сонда да сол таңдарды

Армандаумен келемін.

Не боп кетті маңайым,

Күнде айқай, күнде дау?!

Айналайын, ағайын,

Ақ көңілім кірледі-ау!..