Ақын өлеңдері жинағы ✍️

Табашылдың табасын,

Жалақордың жаласын,

Намыссыздың наласын,

Парақордың парасын,

Адамның ішкі аласын,

Жазылмас жанның жарасын,

Мешкейдің қанбас қанасын,

Маскүнем, нашақорлардың

Дертті, кемтар баласын,

Сатқан ата-бабасын,

Сатқан әке, анасын,

Сатқан тәнін, дінін де,

Сатқан бала-шағасын,

Пенделердің көр кеуде

Біліп тұрып бағасын,

«Құдайдың ісі ғой», – деп бұл

Құдайға неге жабасың?!