Құттықтаулар, тілектер жинағы ✍️

Құтты болсын Құрбан айт жан сіңілім,
Болмасыншы көңілде ешбір мұңың.
Айттан айтқа сен аман жете берші,
Шаттық сыйлап, бақ сыйлап әрбір күнің.

Жүрші сіңілім әрдайым жүзің жайнап,
Жаратқаным жар болып, беріп мол бақ.
Құрбан айтта қабыл боп дұғаларың,
Жүрші аман ортамызда күліп-ойнап.

Қиындығын көрмеші бұл өмірдің,
Жаздай жайнап, құлпырып бұл көңілің.
Арманың мен мақсатың орындалсын,
Тамыр жайып тереңнен гүл өмірің...