Құттықтаулар, тілектер жинағы ✍️

Мұсылмандар мерекесі Құрбан айт,
Құттықтаймын айтыңызбен, Аташым!
Айттан айтқа амандықта жетіңіз,
Бата берер мейірімді Аташым!

Көшін бастап үйіміздің жүріңіз,
Сәтті болып Аташым-ау, күніңіз.
Саулығыңыз мықты болып Аташым,
Шаттаныңыз, қуаныңыз күліңіз.

Қасымызда болыңызшы әр айтта,
Сізге қарап түзейміз бойымызды.
Аман болшы аташым Алла жар боп,
Әрқашанда біздің қолдап ойымызды.