25.06.2023
100
Шашу
Баласы мен келіні тек ойында,
Күні туды шабылып бір шалқитын.
– Шашу!
– Шашу!
Баласының тойына
Анасы кеп шашып жатыр кәмпитін.
– Шашу!
– Шашу!
Шашып жатыр көңілін,
– Шашу!
– Шашу!
Шашады елге шаттығын.
Күбірлейді: «Тек бақытты бол, ұлым!
Қолымызға қонды келіп бақ бүгін!»
...Қашаннан-ақ бар талантың, бар бағың,
Қазағым-ай, айналайын салтыңнан!
Шашу – көңіл қуанышы ананың,
Салют болып көк аспанға атылған.
Қалбалақтап зыр жүгіріп ақ ана,
Күлім қақты, жас та жауды жанарын.
...Алып барып берейін деп балама,
Қуанышын теріп жүрмін ананың!