Ақын өлеңдері жинағы ✍️

Сегізінші Наурыз ғой – күн ғажайып,

Ақын достар, қыздарға жыр жазайық!

Бүкіл әлем шаттықтан тұратындай,

Жер бетінен кеткендей мұң да азайып!

Қай-қайдан да естисің шаттық үнін,

Көктем – Ару құшағын ашты бүгін.

Төкті нұрын, шуағын,

Қуанышын –

Шашу етіп далаға шашты гүлін!

Сегізінші Наурыз бұл – ерекше күн,

Жұпар ауа –

Көрдің бе жел ескенін?!

Аяулым-ау назданшы,

Күндегіден

Бақыттырақ болуың керек сенің!

Сыйлай алдым ба екен мен саған бақыт,

Көңілімді қойды-ау сол алаңдатып.

Қуанышың – бақытым,

Сен қуаншы,

Керек емес ештеңе маған да артық.

Сегізінші Науырзым – күн бұл Ару,

Қуан еркем, бізге тән шын қуану.

...Жаулап алар сұлулық, нәзіктікпен,

Гүл мен күлкі болсашы күллі қару!