Ақын өлеңдері жинағы ✍️

Жауап беру үшін Ел, Ар алдында,

Алды-артыңа, ағайын, қарадың ба?!

Масайратып,

Көп жұтсаң мас қылатын

Бірдей екен мадағың, арағың да.

Ортақ Отан!

Мынаның, ананың да

Домалайды жұмыр жер табанында.

Аранында– бар пәле пенделердің

Қалу-қалмау қасірет қамалында.

Тарылатын күні бар даланың да,

Ескіретін күні бар жаңаның да.

Қонбайды деп ойлама

Басыңа кеп

Көзге ілінбей жүрген шаң балағыңда!..