Ақын өлеңдері жинағы ✍️

Тастан қашап қайтесің сом мүсін ғып,

Сыртқы пішін алдамшы

Болмысымды ұқ!

Көксегені елімнің – көңілімде,

Жанарымда тұр жылап сорлы Шындық.

Берілемін Қайғыға, ауыр Мұңға,

Бар адамзат ақ адал – бауырымда!

Ашу-ыза, жек көру, махаббатым,

Дауылым да,

Ішімде жауыным да!

Қондырғанмын кеудеме жарық Айды,

Жапырағын жақсыға жаным жайды.

Осылардың сұлбасы көрінбесе,

Мен кім едім?!

Ұрпағым танымайды!

Туған елдің жүректе – асқар белі,

Көк арманы, өзен көл, аспан, жері.

Жерге айналып кеткенім дұрыс болар,

Қашамай-ақ койшы сол тастан мені!