Ақын өлеңдері жинағы ✍️

Бұл жалғанда айрылып мен сенімнен,

Жоғалтып ап отыр едім Жігерді,

Қайта-қайта тарқатылып өрілген

Өлең келіп бәрін серпіп жіберді.

Әудем жерге жете алмай мен,

Мұң басып,

Тарылғандай болып еді өрісім.

Іздеп келіп,

Күндіз-түні сырласып,

Берді тағы өлең маған қол ұшын.

Таршылықта,

Баршылықта

Суысқан

Кезіміз жоқ,

Жетеледі ол шыңға.

Одан асқан  жоқ екен ғой туысқан.

Одан асқан жоқ екенғой досым да!